ماهى اضرار المكملات

أكتر سؤال الناس بتسأله هى المكملات مضرة طيب هى بتجيب عقم !!!! , طيب بتعمل تليف فى الكبد ؟؟

الكلام ده كله مالوش اى أساس من الصحة.

ايه هى المكملات الغذائية:

المكملات الغذائية هى منتجات تحتوى على “عناصر غذائية” الهدف منها اضافة المزيد من القيم الغذائية الى النظام الغذائى.
المكملات الغذائية كلها مكونات طبيعية مفيهاش اى نوع من الهرمونات او المنشطات و كلها مستخرجة من مواد طبيعية و بتم تجميعها صناعيا و كل ده بيتم تحت اشراف منظمة الصحة العالمية و حركة المكملات الغذائية و التعليم و مافيش مكمل غذائى بيتعمل غير لما بيعدى على اختبارات معملية كتير عالشان يضمنوا الجودة و انه مش مضر.
المكملات الغذائية حاتفيدك لو انت بتستخدمها صح و بتاخد الجرعات مظبوطة و مافيش منها اى ضرر .

المحتوى الغذائى الذى يحتوى عليه المكمل الغذائى قد يكون عنصر و احد او مزيج من العناصر كالتالى:
فيتامين
معدن
أعشاب او نباتات
أحماض أمينية
بروتينات,كربوهيدرات,دهون

تستخدم المكملات الغذائية سواء فى الرياضة او خارجها لزيادة القيمة الغذائية ,التركيز,عملية الأيض,الأستشفاء ,بناء العضلات ,حرق الدهون,الحفاظ على المفاصل و أشياء متعددة كثيرة
و تأتى المكملات الغذائية على شكل مساحيق,أقراص,كبسولات,سوائل.
الهدف الأساسى من المكملات الغذائية و هو واضح من أسمها انها بتكمل نظامك الغذائى (و ليست و لن تكون بديل للأكل)
و هى ليست تعالج من اى أمراض و لكنها تساعدك فى الرياضة و الوصول لمستويات عالية جدا فى الأداء و قدرة التحمل و النمو العضلى .
لازم نفهم ان لعبة كمال الاجسام وجميع العاب القوى جميع لاعبيها بيعتمدوا على المكملات لغذائية بنسبة كبيرة جدا وبيبقى عامل اساسي في تحسين اللياقة البدنية ورفع القوة البدنية.

ملاحظة مهمة جدا:

اى شخص بيعانى من اى مشاكل صحية أو اى قصور فى اى من الكبد,الكلى,القلب
أو يعانى من مرض السكر او الضغط لازم لازم لازم يستشير الدكتور الخاص به قبل استخدام اى مكمل غذائى .

امتى ابطل او ماينفعش استخدم المكملات الغذائية:

للنساء أثناء فترة الحمل و الرضاعة لا يمكن ان تستخدم اى من المكملات غذائية تماما

ايقاف جميع المكملات الغذائية كحوارق الدهون قبل اجراء اى عمليات جراحية بأسبوعين على الأقل (سواء بنت أو ولد).

7 خطوات لتفادي انتقال الامراض في الجيم

الأجهزة و الدمبلز و البارات الموجودة في الجيم من الممكن أن تنقل العدوي ببعض الأمراض لأنها بيكون عليها أنواع مختلفة من الجراثيم بسبب استخدامها من اكثر من شخص و بعض الدراسات الأمريكية اثبتت ان الجيم من أكثر الأماكن التي تتسبب في نقل العدوي بالأمراض والالتهابات الجلدية خاصة مع العرق الموجود علي الأجهزة اللي بيزود من فرصة الاصابة بعدة أمراض و لتفادي التعرض لهذه الامراض عليك باتباع هذه النصائح .

النصائح:

•اغسل يدك بعد التمرين مباشرة فهي أسهل الطرق وأكثرها فاعلية للحماية من العدوي بالبكتريا والفيروسات والفطريات التي قد تحملها تلك الأجهزة.

•تجنب التجول في غرفة تغيير الملابس بأقدام عارية حتي لا تتعرض للعدوي.

•تجنب الجلوس مباشرة علي مقاعد غرفة تغيير الملابس أو غرفة البخار بل قم بوضع منشفة علي المقعد واجلس عليها.

•احرص على استخدام زجاجة مياه خاصة بك.

• بعد الانتهاء من التمرين غير ملابسك للتخلص من أي نوع من الجراثيم أو الفطريات التي قد تكون التصقت بها أثناء التمرين.

• استخدم فوطة الميكروفايبر المضادة للبكتيريا لمسح الأجهزة قبل استخدامها.

•تجنب اقتراب يدك من وجهك أو فمك أثناء التمرين.

إزاي تسرع عمليه حرق الدهون في جسمك

1) دخل في معظم وجباتك بروتين حيواني/نباتي
جسمك لما بيدخله بروتين بيشتغل أكتر عشان يهضمه من انه يهضم الدهون و الكارب و بالتالي هيحرق سعرات حرارية أكتر

2)اشرب شاي اخضر
حوالي 3- 5 شاي اخضر في اليوم هتحرق من 50 – 100 سعر حراري لانه بيحتوي على مادة الكاتيكين

3)اوميجا 3 يوميا
دراسات كتير اثبتت أن الاوميجا 3 بتساعد على خسارة الدهون و تزويد كتلة العضلات لانها بتزود هرمون التيستسترون في الجسم

4)خلي أكبر وجبه في يومك بعد التمرين
الوقت اللي بعد التمرين بيبقى أكتر وقت بيحتاج جسمك فيه البروتين و الكارب عشان يمنع عمليه الهدم العضلي و هو أكتر وقت الميتابوليزم بيبقى عندك عالي

5)اشرب ماء بالعسل على الريق
الماء بالعسل بيدي الجسم طاقة لأن السكر الموجود في العسل سكر طبيعي و بيمنع الشعور بالتعب

أهم 7 حاجات لازم تعرفهم عن الماء

من أكتر الحاجات اللى الناس بتستخف بيها و مابتديهاش اهتمام هى الماء و الماء بيغطى 70% من أشكال الحياه على الأرض و نفس النسبة 70% هى اللى موجودة فى جسمك الماء مهم جدا فى كل عمليات التمثيل الغذائى بما فى ذلك تخليق البروتين و طول م انت بتتمرن بكثافة عالية حتبقى محتاج تشرب ماء زيادة.

1-مابتشربش ماء كفاية:

المشروبات الغازية و القهوة مابتتحسبش كأنك شربت ماء عى الرغم من انها سوائل الكافيين بيزود من فقدان السوائل فى الجسم و ده عن طريق ادرار البول و لما السوائل بتقل فى الجسم ,الجسم بيخزن ماء أكتر, العرف التقليدى المعروف انك تشرب من 6-8 كوبيات فى اليوم بس لو بتلعب رياضة حتبقى محتاج من 1.5 لتر الى 3 لتر من الماء يوميا و ده بيتوقف على مستوى تمرينك .

2-الماء و تنظيف السموم من الجسم:

الماء مهم جدا فى تخليص السموم من الجسم , و مهم جدا عند اتباع نظام غذائى عالى البروتين و بيساعد فى ازالة النيتروجين الزائد , و اليوريا السامة و الكيتونات و انت محتاج ماء زيادة لمساعدة الكلى بالعمل بشكل فعال.

3-الماء و حرق الدهون:

من غير ماء كفاية ممكن الكلى ماتشتغلش بكامل كفائتها و ده لما بيحصل الحمل بينتقل على الكبد و الكبد بيشتغل على عملية التمثيل الغذائى لتخزين الدهون للحصول على طاقة و لو الكبد قام بعمل جزء من عمل الكلى نتيجة عدم شرب الماء و الحمل اللى بقى عليه ده حايقلل من حرق الدهون .

4-الماء و احتباس السوائل:

لما شرب الماء مابيبقاش بأنتظام الجسم بيحس ان فى نقص فى الماء و بالتالى اى ماء حاتشربه و انت عطشان جدا جسمك حايخزنه عشان هو مايعرفش حاتدخله ماء امتى تانى فهو بيحاول ينجى بنفسه و بالتالى حاتزيد وزن ماء و حايتخزن فى جسمك دايما ماتستناش لحد ماتبقى عطشان عالشان تشرب .

5- شرب الماء بانتظام:

لو بتشرب قليل جسمك ممكن ياخد ماء من الأعضاء زى القولون مثلا و ده لما يحصل حايسببلك امساك و ارهاق فى المعدة و الماء بيساعد بشكل كبير فى عملية الهضم.

6-الماء بيساعد الاشخاص اللى بيكلوا ملح كتير:

احتباس الماء من اسبابه هو وجود ملح كتير فى الأكل و كلما ارتفعت نسبة الصوديوم كلما زاد الاحتفاظ بالماء فى الجسم و بالتالى يجب خفض كمية الملح و شرب المزيد من الماء.

7-الماء و المكملات الغذائية:

الماء مهم جدا و انت بتاخد مكملات غذائية الماء بيلعب دور مهم جدا مع الكرياتين لان الكرياتين بيسحب الماء فى العضلة لخلق بيئة ابتنائية للنمو, بالتالى انت محتاج ماء اكتر و كتير من الفيتامينات بتذوب فى الماء فابالتالى محتاج تشرب ماء أكتر عالشان تستفاد كل الأفادة من المكملات اللى بتاخدها

ازاي تتخلص من الجلد الزيادة بعد ما تخس ؟؟

ناس كتير بتشتكي من الجلد الزيادة و من شكله بعد م بيخسوا و يوصلوا للوزن اللي هما عايزينه

طب في حل للجلد الزيادة ؟؟
آه فيه و الموضوع كله ليه علاقة بالجلد و إنك تعمل الخطوات دي

1- زود بروتين في اكلك
فيه علاقة بين البروتين و صحة الجلد و نضارته و الدايت اللي بيبقى فيه البروتين قليل بيسبب تجاعيد و جفاف و ضمور في الجلد

2- بطل تدخين
التدخين ليه تأثير سلبي على الجلد و بيفقده المرونة اللي بتخليه يضخم أو يصغر تاني بعد التخسيس

3- كل فاكهة و خضار
الجلد عشان يصغر حجمه تاني محتاج فيتامينات و معادن تبقي موجودة في جسمك و مش هتقدر تاخدها غير لما تنوع اكلك و تغير في انواغ الخضار و الفاكهة اللي بتاكله

4- خد زيت سمك
زيت السمك من الحاجات المهمة اللي بتأثر على مرونة الجلد و بتساعده انه يصغر عشان يبقى مناسب مع الوزن الجديد

5-اهتم بأنك تزود الكتلة العضليه مش إنك تخس و خلاص
تحت الجلد بيبقى فيه نوعين من الخلايا الدهنيه و العضلية ف لما تخس دهون و تزود الكتلة العضلية مش هتظهر معاك مشكلة الجلد الزيادة لأن نفس الحجم اللي كان فيه الدهون بقى فيه عضلات ف هيبقى شكلك أحسن و ووزنك اقل كمان

ملحوظة هامة (بعض حالات السمنة المفرطة بعد فقدان الوزن يتواجد جلد سميك جدا و يتطلب تدخل جراحى لازالة هذا الجلد الزائد)